•  

   தமிழர்கள் அதிகம் புலம்பெயர்ந்து வாழும் நாடுகளை அடையாளம் காணுதல்.

•  

   அந்தந்த நாடுகளில் உள்ள இந்தியத் தூதரகங்கள் வழியாக தமிழர்கள் அதிகம் வாழும் பகுதிகள் அடையாளம் காணுதல்.

•  

   உலகெங்கும் உள்ள தமிழ்ச் சங்கங்கள் தங்கள் அமைப்பு பற்றிய முழுமையான தகவல்களை பதிவு செய்ய இணையதளம் ஏற்படுத்தி அதில் மேற்படி தமிழ்ச் சங்கங்களை பதிவு செய்யக்கோருதல்.

•  

   இணையதளத்தில் பதிவு செய்த தமிழ் சங்கங்களின் உண்மைத் தன்மையினை அங்கீகரித்து பல்வேறு நாடுகளில் உள்ள சங்கங்களுடன் ஒருங்கிணைத்தல்.

•  

   ஒருங்கிணைத்த தமிழர் நலச்சங்க உறுப்பினர்களுக்கு தமிழ் மொழி, பண்பாடு, கலாசாரம், தமிழர் நாகரீகம், தமிழர்களின் வாழ்வுக்கான வழிகாட்டுதல், விழிப்புணர்வு கருத்தரங்குகள் நடத்துதல்.

•  

   பல்வேறு நாடுகளில் உள்ள தமிழர் நலச்சங்கங்களை ஒருங்கிணைப்பதன் மூலம் அந்நாடுகளில் ஏற்படும் சூழல் மாற்றங்கள், புதிய சட்டங்கள், சவால்கள் மற்றும் அவற்றை எதிர்கொள்ள தேவைப்படும் முன்னெடுப்புகள் ஆகியவற்றை அறியவும் புதிதாக பயணிப்போர் தங்களை தயார் செய்து கொள்ளவும் இவ்வொருங்கிணைப்பு பெரிதும் உதவும்.

•  

   உலக அளவில் உள்ள புகழ்பெற்ற பல்கலைக்கழங்களில் தமிழ் இருக்கைகளை அமைப்பதற்கான தொடர் நடவடிக்கைகள் எடுத்தல்.

•  

   வெளிநாடுகளில் தமிழர்கள் அதிகம் வாழும் பகுதிகளில் கலை மற்றும் கலாச்சார விழாக்கள், கலாச்சார இரவு மற்றும் தமிழர் கலை இரவு நிகழ்ச்சிகள் கொண்டாடச் செய்தல்.

•  

   தமிழர்களின் தொன்மை வாய்த்த கலை மற்றும் நாகரீகத்தை போற்றும் கண்காட்சி அரங்குகள் அமைத்தல்.

•  

   மேடை நாடகம், வீதி நாடகம் மற்றும் அரங்கு நிகழ்வுகள் மூலம் தமிழர் கலைகளை போற்றுதல்.

•  

   சமூக வளைதளம் மற்றும் இணையவழி தமிழர் ஒருங்கிணைப்பு கருத்தரங்கு மாநாடு நடத்துதல்.

•  

   தமிழர்கள் வாழும் பகுதியில் உள்ள பள்ளி மற்றும் கல்லூரிகளில் கல்வி மற்றும் கலை நிகழ்ச்சிகள் மூலம் தமிழர் பண்பாடு மற்றும் கலாச்சார விழிப்புணர்வு ஏற்படுத்துதல்.

•  

   புலம்பெயர்ந்த நாடுகளில் நமது கலை மற்றும் பண்பாடு போற்றும் நிகழ்வுகளான கூத்து பறையாட்டம், காவடியாட்டம், ஒயிலாட்டம், மயிலாட்டம், பொய்க்கால் குதிரையாட்டம், தோற்பாவை கூத்து, நாதஸ்வர நைய்யாண்டி மேளம், சிலம்பாட்டம், தேவராட்டம், கோலாட்டம் மற்றும் மேடை நாடகம் போன்ற நிகழ்ச்சிகள் மூலம் பண்பாட்டை விளக்குதல்.

•  

   இந்திய நாட்டு கலைகளுடன் வெளிநாட்டு கலைகளை ஒப்பீடு செய்து உலகிற்கு அறிமுகப்படுத்துதல். நுண் கலைகள் மற்றும் பயன்பாட்டு கலைகளை வகைமை செய்து மனித ஆக்கத்திறனின் பன்முகத்தன்மையை வெளிப்படுத்துதல்.

•  

   இருபதாம் நூற்றாண்டின் கட்டிடக்கலை, நடனம், சிற்பம், இசை, ஓவியம், கவிதை, திரைப்படம், ஒளிப்படவியல், வரைகலை ஆகிய நிலைகளில் புதுமையாக வெளிப்படுத்துவதன் மூலம் உலகத் தமிழர்களின் கலைத் திறன் மேம்பாட்டை வெளிக்கொணர்துல்.

•  

   தமிழர்களின் கலை மற்றும் பண்பாடு தொடர்பான வளர்ச்சிக்கு பாடுபடும் நபர்களைக் கண்டறிந்து அவர்களுக்கு விருது வழங்கி கௌரவப்படுத்துதல்.

•  

   ஆண்டுதோறும் “புலம்பெயர்ந்த உலகத்தமிழர் நாள்” ஜனவரி 12-ஆம் தேதி தமிழர்களை ஒருங்கிணைத்து கலை நிகழ்ச்சிகள் நடத்துவதன் மூலம் அவர்களை அங்கீகரித்தல்.

•  

   புலம்பெயர் தமிழர்களை நலவாரியங்களில் உறுப்பினராக்கும் முயற்சிகள் மேற்கொள்ளுதல்.

•  

   சொற்பொழிவுகள் நூல் வெளியீடுகள் மூலம் புதிய படைப்புகளை ஊக்குவித்தல்.

•  

   பல்வேறு நாடுகளில் வாழ்கின்ற புலம்பெயர் தமிழர்களின் வாழ்வியல் சார்ந்த பன்முக படைப்புகளை ஆராய்ந்து பன்னாட்டு ஆய்வுக் கருத்தரங்கம் ஆண்டுதோறும் நடத்தி சிறந்த படைப்புகளுக்கு விருதுகள் வழங்கி சிறப்பிப்பது.

•  

   அயலக தமிழ் சங்கங்களில் இரண்டு பிரிவுகள் உள்ளன,

  அ) அயல்நாட்டிலுள்ள தமிழ்ச்சங்கம்

  ஆ) இந்தியாவிலுள்ள தமிழ்ச்சங்கம் (தமிழ்நாட்டிற்கு வெளியே)

•  

   விண்ணப்ப படிவம் :

  சங்கங்களை பதிவு செய்வதற்க்கு வலைதளம் வாயிலாகவும், இவ்வாணையரகத்தில் நேரடியாகவும் பெறலாம்.

•  

   சமர்ப்பிக்கப்பட வேண்டிய ஆவணங்கள். (பின்வரும் ஆவணங்களின் நகல்கள் பூர்த்தி செய்யப்பட்ட விண்ணப்பத்துடன் இணைக்கப்பட வேண்டும்)

  அ) (i) சங்கம் அமைக்க முடிவு செய்த முதல் கூட்டத்தின் சான்றளிக்கப்பட்ட நகல், கூட்ட குறிப்புகளில் அலுவலகப் பொருப்பாளர்களின் கையொப்பம் இருக்க வேண்டும் (வெளிநாட்டில் உள்ள சங்கங்களில்)
       (ii) இந்தியாவில் உள்ள சங்கங்கள், Charitable Societies Act 1860ன் கீழ் சங்கத்தினைப் பதிவு செய்ததற்கான சான்றிதழின் நகல், அரசிதழ் பதிவுபெற்ற அதிகாரியால் சான்றளிக்கப்பட்ட நகல்.

  ஆ) சங்கத்தின் விதி

  இ) சங்க உறுப்பினர்களின் பெயர், முகவரி மற்றும் மின்னஞ்சல்

  ஈ) சங்க நடவடிக்கைகளின் கடைசி மூன்று வருட ஆண்டறிக்கை

  உ) கடைசி மூன்று வருட சங்க கணக்குகளின் தணிக்கை செய்யப்பட்ட அறிக்கை

•  

   சங்கங்கள் பதிவு செய்வதற்கான கட்டணம் ஏதுமில்லை.

•  

   சங்கத்தினை பதிவு செய்வதற்கான நடைமுறைகள் முழுமை அடைந்தவுடன் பதிவு எண் வழங்கப்படும்.

•  

   பதிவு செய்யப்பட்ட சங்கங்களின் பட்டியல் இவ்வாணையரகம் இணையதள பக்கத்தில் வெளியிடப்படும்.

•  

   அரசு விழாக்களில் கலந்து கொள்வதற்கு தள்ளுபடிகள் அல்லது பிற சலுகைகள் வழங்கப்படாது.

•  

   அங்கீகரிக்கப்பட்ட எந்த சங்கமும் மாநில அரசு அல்லது அயலகத் தமிழர் நலன் மற்றும் மறுவாழ்வுத் துறை ஆணையர்களின் சின்னத்தைப் பயன்படுத்த அனுமதிக்கப்படாது.

•  

   அங்கீகரிக்கப்பட்ட அனைத்து சங்கங்களும் ஐந்தாண்டுகளுக்கு ஒருமுறை தங்கள் அங்கீகாரத்தை புதுப்பிக்க வேண்டும். அலுவலக முகவரி மற்றும் அலுவலகப் பணியாளர்களின் பெயர் மாற்றம் இருந்தால், தெரிவிக்கப்பட வேண்டும். அங்கீகாரத்தை புதுப்பிக்காத சங்கங்களின் அங்கீகாரம் தானாகவே ரத்து செய்யப்பட்டு அதிகாரப்பூர்வ இணையதளத்தில் இருந்து அவற்றின் விவரங்கள் நீக்கப்படும்.

•  

   அங்கீகாரம் புதுப்பித்தல் மற்றும் சங்கங்களின் முகவரிகளை மாற்றுவதற்கான விண்ணப்பம் இந்த ஆணையரகத்தில் நேரடியாக அல்லது அதிகாரப்பூர்வ இணையதளத்தில் இருந்து பெறலாம்.

•  

   அரசு / அயலகத் தமிழர் நலன் மற்றும் மறுவாழ்வுத் துறை ஆணையரகம், எந்த ஒரு சங்கம் / அமைப்பின் அங்கீகாரத்தை எந்த நேரத்திலும், எந்த காரணமும் தெரிவிக்காமல் மற்றும் முன் அறிவிப்பு இல்லாமல் ரத்து செய்யும் உரிமையை கொண்டுள்ளது.

•  

   அயலகத் தமிழர் நலன் மற்றும் மறுவாழ்வுத் துறை ஆணையரகத்தால் வழங்கப்பட்ட அங்கீகாரச் சான்றிதழின் நகல்.

•  

   கடைசி மூன்று வருட சங்கத்தின் ஆண்டு அறிக்கை மற்றும் தணிக்கை செய்யப்பட்ட கணக்கு அறிக்கை.

•  

   சங்க உறுப்பினர்களின் பெயர், முகவரி மற்றும் மின்னஞ்சல் கொண்ட பட்டியல்.

•  

   முழு முகவரி மற்றும் மின்னஞ்சல் முகவரியுடன் கூடிய உறுப்பினர்களின் திருத்தப்பட்ட பட்டியல்.

அங்கீகாரத்தைப் புதுப்பிப்பதற்கு மேலே உள்ள விவரங்களை இவ்வாணையரகத்திற்கு அனுப்பவும் :

ஆணையர்,

அயலகத் தமிழர் நலன் மற்றும் மறுவாழ்வுத்துறை ஆணையரகம்,

எழிலகம் இணைப்பு கட்டிடம், சேப்பாக்கம், சென்னை 05, தமிழ்நாடு, இந்தியா.

மின்னஞ்சல் : nrtchennai@tn.gov.in / nrtchennai@gmail.com

+91-44-2852 5648

•  

   அயல்நாட்டிலுள்ள தமிழ்ச்சங்கங்களை பதிவு செய்வதற்கான விண்ணப்பம்.

•  

   இந்தியாவிலுள்ள தமிழ்ச்சங்கம் (தமிழ்நாட்டிற்கு வெளியே) பதிவு செய்வதற்கான விண்ணப்பம்.

•  

   தமிழ்ச்சங்க பதிவினை புதுப்பிப்பதற்கான விண்ணப்பம்.

Tamil Sangams in many countries of the world and other states in India have been working for the development of Tamil language and the welfare of NRT’s. By recognizing such Tamil Organisation and co-ordinate with them will provide a fillip to the services rendered by them.

All NRT associations/ organizations in abroad and other states in India are requested to get them registered with thisommissionerate.